گزارشی از عربی

در این مقاله تلاش کرده‌ایم تمامی اطلاعات مهم مربوط به «عربی» را به صورت خلاصه، دقیق و کاربردی در اختیار شما قرار دهیم.

در ادامه، تمامی اطلاعات موجود درباره این موضوع به صورت یکجا گردآوری شده است تا بتوانید بدون نیاز به مراجعه به منابع مختلف، جزئیات کامل را مطالعه کنید.

اهلاً و سهلاً بیـــک و اتمنّه اشوفک

ساب الگلب چندوب ساکن حروفک

***

اهلاً وسهلاً بیک یــــــــــا نور العیون

هم تدری هم سمعیت بیک آنه مجنون

***

اهلاً وسهلاً بیک یـــا درّه یا طیف

شایف خیال ابلیل بیه رحّب الضیف

***

اهلاً وسهلاً بیک یـــــــالمعتنینه

نحزن حزن یعگوب لوما تجینه

***

اهلاً و سهلاً بیک یــالشوفتک عید

کل الخلگ شمّات غیرک فلا ارید

***

اهلاً وسهلاً بیک هـــــــــل رفّت العین

رسمک ورد مشتول و امخضّر ابطین

***

اهلاً و سهلاً بیک یا گهوه یا هیل

الدلّه والفنجان و امــخدّره اتسیل

***

خلیهه جیر ابصوف یا شمعه وابلیل

ابساع اشوّر بیک لـــــــو بیه اتعیل

ابوذیّات مبرمجات

یگلبی جرّبت ربعــک و لحماک

غریب ابضیج شهدولک ولحماک

تون چا بیش اخیطنّک و لحماک

جرحــوک اشعجب تنسه الاذیّه

***

الکرم والجود بــالغیره و الف راح

ولف حاتم ختم صیته و الف راح

علی دربه ابقصد حبّه والف راح

رجع من شـــاف خدّامه احوریّه

***

مــــن هو النار خالقته و شربه

صدیق او خصم لبن آدم و شربه

ابکلام اجداده امــدحنّه و شربه

یحل کـل مشکله ابریحه الزکیّه

***

من هـــــو العاف ولیانه و الی مال

الی مـــن حاله دم لحمه و الی مال

حلاله ابنص سهم حل لی والی مال

و اذا لابس کفـــــــــن یحرم علیّه

***

من هـو امن العرش ذکره و اله ارکاب

اعلی راسه التاج من لیلو و اله ارکاب

اله جنحـــــان و ایصفّج و اله ارکاب

یغنّی ابصوت و ایحامـــــــی الثنیّه

***

من هو البیه شفاء ثوبه و لحماه

ولا واحــــد رحم حاله و لحماه

یدگ بالبیت مـن توعه و لحماه

ملک یحکــم علیه لو ثخن فیّه

***

من هو انولد بیت اللّه و یومه

او خیبر تشهد افعالــه و یومه

ما فارس کســـر صیته و یومه

بطل حاکم یحل قاضـی علیّه

***

مـن هو البالفلک اسمه ورد بیه

او دعاه امن الارض ربّه ورد بیه

عنده اسمین بــــکتابه ورد بیه

اســم بالسماء او اسمه بالوطیّه

***

من هو الخانته اخوانه و ردهم

عرفهم مـن حکم بیهم و ردهم

جلب بــایمانه صدقانه وردهم

نبی اصبح و ابـــوه سید البریّه

***

من هم عاشروا ظالم و مرهم

ثلاث اقرون فقداهم و مرهم

ابطن کهفة جبل ظاعوا و مرهم

او کلبهم ظافهم و الـــرب تچیّه

***

من هو الّی جلس عل ارض منشاف

امن اهــــد آدم الحد الابد منشاف

مـن هو الترک مای العذب منشاف

الیترکــــــــــــه ابیوم تاتیه المنیّه

***

من هــــو اللابس اعگاله و صیته

العطش و الجوع من ربّه و صیته

یغسّل اذنوب مـن طاعه و صیته

ابختامه النّــــاس تطرد کل بلیّه

خبر عاجـــــــل دفنته او سال ونهال

او گلبی مـــــن نحیبه انفطر و نهال

انتظرت آخر کلامـــک جال ونهال

ابفعل شمس او گمر تضوی الثریّه

غزل و ابوذیّات بحق الام

حط عینک علی امّک یالبعدهه اویاک

تاج الراس امّک بـــــــــــــــالعگل آیه

لا تنسی التعب و اتبین الهه اجفاک

ابوجود امّک حبیبی اتنور الولایه

امّک مای زمزم یروی کل عطشان

امّک بابتسامه اتحلّی الحچایه

امّک بحر صافی ایغسّل المدغوش

امّک جبل مرمر بالوطن رایه

امّک ما تنام او جرحک ایدث عوز

حنان ادموعها ایفزز الشچایه

رجّع کل تعبها او حطها ابکاروک

هز بیهه اعلی کیفک بالستر ثایه

امّک لا تغثها او تتبع البطران

وجود امّک اببیتک للخلگ سایه

مریضه او ترجف ابیوم الحصرها اطلوگ

فرحت بالولد هاجت الوفایه

نست نوم الشتاء  و اتنصّبت دایه

***

چسیتی ابمهر عمری ابسهریمّای

وصل وکت الوفی بالدهر یمّای

اخلافچ ما اعیش ابحذریمّای

البسمه اویاچ شاهت و الخویّه

***

هواچ اشگد عذب للروح و اشفاچ

ذبل عودچ ابلحظه یبس و اشفاچ

اتمنّی الموت اشوفه ابگرب و اشفاچ

و لا اشوفچ طریحه اببین ادیّه

***

یحوریه ابدلالچ ذبت و ارویت

کُتب من الاشعار ابدعت و ارویت

کذب گلبی ابمحبتچ شبع و ارویت

اضل عطشان الچ حتّی المنیّه

***

ارید اقسم قسم باللبن و ارباچ

کذب کلمن یوفّی التعب و ارباچ

یریت انتی الطفل بالفعل و ارباچ

و اخلیلچ مضیف اببین ادیّه

  **  الاهواز الحبیبه  **